Deportados Coruñeses
A derrota da 2ª República española diante do exército franquista provocou un enorme éxodo de republicanos españois a Francia que fuxían das represalias dos vencedores. A meirande parte deles foron aloxados en campos de internamento no sur do país e logo trataron de emigrar ou fóronse incorporando á vida francesa. Moitos homes foron encadrados en unidades auxiliares do Exército francés ou se integraron na Lexión Estranxeira. A invasión de Francia polas tropas nazis, en 1940, e a rápida derrota do exército francés fixo que moitos republicanos españois foran detidos e tratados inicialmente como prisioneiros de guerra e recluídos en stalags.
A renuncia das autoridades españolas a recoñecelos como compatriotas conlevou a súa deportación a campos de concentración, principalmente a Mauthausen-Gusen, onde foron parar máis de 9000 españois. O exterminio polo traballo e as pésimas condicións de vida, cando non a eliminación directa nas cámaras de gas, fixeron que a maioría non saíse de alí con vida.
Nomes e biografías
Dende que na ARMH empezamos a estudar os casos dos deportados galegos, comprobamos o descoñecemento existente dos seus nomes e das súas vidas.
Decidimos investigar cada caso, contactar coas familias, atendelas e coidalas; e ao fin, divulgar as súas historias.
Con esta publicación pretendemos dalos a coñecer e identificar os casos
Para o recordo permanente.
Porque o seus nomes merecen ser lembrados e a súas vidas recoñecidas.
Proxecto Stolpersteine
O proxecto Stolpersteine é unha iniciativa artística iniciada en 1990 polo artista alemán Gunter Deming. Traducidos literalmente como “pedra que fai tropezar” son pequenas laxes de bronce de 10×10 cm de dimensión que lembran aos deportados do nazismo. Xeralmente sitúanse diante das casas e conteñen información biográfica sobre a súa data de nacemento, data de deportación, campo de concentración no que foi internado e data do asasinato ou liberación. Trátase dun proxecto internacional que conta xa con máis de 100.000 Stolpersteine repartidas por distintas cidades e países de Europa.
Stopersteine na cidade da Coruña
A Asociación para a Recuperación da Memoria Histórica (ARMH), en colaboración co Concello da Coruña, é a impulsora deste proxecto na cidade da Coruña, e primeiro en Galicia. Un proxecto que recoñece os nomes de dezasete veciños nosos deportados a campos nazis, froito dun laborioso proceso de investigación e da procura de familiares daqueles deportados.
Novas e actos
Actos de homenaxe e divulgación sobre a deportación de coruñeses
últimas novas
-
Colocación da placa Stoperstein en homenaxe ao deportado Juan González del Valle
2023, Setembro. Rúa Padre Feijóo 3, A Coruña Coa participación de representantes da cultura galega, veciños e representantes de todos os grupos políticos, realizouse a colocación da placa stolpersteine en homenaxe a Juan González del Valle no número 3 da Rúa Padre Feijoo.No mesmo acto, presentouse a súa biografía “Un sol incoloro”, da investigadora María…
-
Colocación dos seis primeiros Stolperteine na cidade da Coruña e en Galicia
2023, Xullo Colocación dos seis primeiros stolpersteine en Galicia coa presenza do artista Gunter Demnig, autor do proxecto, en homenaxe as vítimas da persecución nazi. O roteiro partiu dende o concello de A Coruña e percorreu as calles da cidade, pasando polas rúas Porta de Aires, Santiago, Varela Silvari, Campo de Artillería e San Andrés,…
-
Presentación no Concello da Coruña do proxecto Stolpersteine e a súa colocación na cidade
2023 Xaneiro A Asociación para a Recuperación da Memoria Histórica, ARMH, levou a cabo os trámites para a colocación dos primeiros stolpersteine en Galicia para lembrar a historia e honrar a memoria de dazasete coruñeses deportados a campos de concentración nazi que completa a investigación sobre as súas vidas, a localizar das familias e a…